Atención personalizada e grupos reducidos
Tempos é un centro de estudos multidisciplinar situado nunha das rúas máis céntricas de Ponteareas que ofrece un gran número de servizos e actividades relacionadas coa educación e a formación enfocadas a alumnos de todas as idades. Entre elas, destacan talleres infantís de diferente índole, clases de reforzo escolar ou cursos de idiomas.
Os docentes altamente cualificados de Tempos, imparten clases de reforzo escolar para alumnos de todos os cursos, nas que poderán afianzar coñecementos e despexar dúbidas para así obter bos resultados ao final de curso. A atención é personalizada e os grupos son reducidos.
Para aqueles rapaces con algún tipo de dificultade de aprendizaxe, en Tempos ofrecemos clases especiais de técnicas de estudo e programas de psicomotricidade, logopedia, comprensión lectora e dislexia. Contacte connosco para máis información.